Мытныя органы Рэспублікі Беларусь
Разгляд зваротаў ажыццяўляецца ў адпаведнасці з Законам Рэспублікі Беларусь ад 18 ліпеня 2011 года №300-З «Аб зваротах грамадзян і юрыдычных асоб» (далей – Закон).
Падача электронных зваротаў ад грамадзян, у тым ліку індывідуальных прадпрымальнікаў і прадстаўнікоў юрыдычных асоб, у адпаведнасці з артыкулам 25 Закона, ажыццяўляецца з дапамогай дзяржаўнай адзінай (інтэграванай) рэспубліканскай інфармацыйнай сістэмы ўліку і апрацоўкі зваротаў грамадзян і юрыдычных асоб обращения.бел. Доступ да сістэмы ўліку і апрацоўкі зваротаў ажыццяўляецца бясплатна.
Пісьмовыя звароты трэба накіроўваць у Дзяржаўны мытны камітэт па адрасе: 220007, Рэспубліка Беларусь, г. Мінск, вул. Магілёўская, 45/1 або мытні і УА «Дзяржаўны інстытут павышэння кваліфікацыі і перападрыхтоўкі кадраў мытных органаў Рэспублікі Беларусь» (далей – Інстытут).
Звяртаем увагу, што ў адпаведнасці з падпунктам 1.1. пункта 1 Указа Прэзідэнта Рэспублікі Беларусь ад 15 кастрычніка 2007 г. № 498 «Аб дадатковых мерах па працы са зваротамі грамадзян і юрыдычных асоб» звароты першапачаткова падлягаюць разгляду па сутнасці ў адпаведнасці з кампетэнцыяй у мытнях і Інстытуце, якія ажыццяўляюць сваю дзейнасць і размешчаны ў межах той адміністрацыйна-тэрытарыяльнай адзінкі, на тэрыторыі якой узніклі пытанні, выкладзеныя ў зваротах.
