Мытныя органы Рэспублікі Беларусь
29 красавiка 2026
З пачатку года гомельскія мытнікі ўстанавілі сем фактаў незаконнай транспарціроўкі ў Расію садавіны еўрапейскага паходжання. У агульнай складанасці праз беларуска-расійскі ўчастак мяжы, размешчаны ў рэгіёне дзейнасці Гомельскай мытні, спрабавалі перамясціць больш за 100 тон садавіны агульным коштам звыш 700 тыс.бел. рублёў.
Для рэалізацыі на тэрыторыі Расіі чарговую партыю яблыкаў меў намер вывезці расійскі індывідуальны прадпрымальнік.
Факт устаноўлены гомельскімі мытнікамі пры правядзенні спецмерапрыемства на ўчастку трасы М-10 у Добрушскім раёне.
4,5 тон яблыкаў перамяшчалася ў грузавым аўтамабілі GAZ, рух якога і спынілі супрацоўнікі мытні.
Кошт садавіны, на транспарціроўку якой кіроўца не змог прадставіць неабходныя дакументы, склаў звыш 20 тыс. беларускіх рублёў.
У дачыненні да перавозчыка Гомельскай мытняй распачаты адміністрацыйны працэс у адпаведнасці з арт. 13.12 КаАП Рэспублікі Беларусь. Санкцыяй артыкула прадугледжаны штраф у памеры да 50% ад кошту прадукцыі.
Тэгі па тэме
