Мытныя органы Рэспублікі Беларусь
23 лютага 2026
На ўрачыстым сходзе ў Дзяржаўным мытным камітэце, які адбыўся ў Дзень абаронцаў Айчыны і Узброеных Сіл Рэспублікі Беларусь, старшыня ДМК Уладзімір Арлоўскі падзякаваў калегам за ўклад у забеспячэнне бяспекі нашай краіны, выказаў асобныя словы ўдзячнасці мытнікам, якія нясуць службу на знешніх рубяжах нашай краіны.
23 лютага - гэта даніна глыбокай павагі героям - абаронцам нашай краіны, гэта сімвал мужнасці, доблесці і самаахвярнага служэння Радзіме. Гэта дзень ушанавання тых, хто забяспечвае бяспеку краіны сёння, хто ратнай працай умацоўвае яе, хто лічыць сваім святым абавязкам берагчы родную зямлю і захоўваць спакой у сем'ях, - сказаў Уладзімір Арлоўскі.
У святочнай абстаноўцы службовым асобам уручаны пагоны ў сувязі з прысваеннем персанальных званняў і ведамасныя ўзнагароды.
