Мытныя органы Рэспублікі Беларусь
26 верасня 2025
У Душанбэ завяршылася 81-е пасяджэнне Савета кіраўнікоў мытных службаў дзяржаў СНД, актыўным удзельнікам на пляцоўцы якога з'яўляецца дэлегацыя беларускай мытні на чале са Старшынёй ДМК Уладзімірам Арлоўскім.
На сённяшнім мерапрыемстве разгледжана 18 пытанняў, якія рэгулююць Мытнае адміністраванне ў краінах СНД, а таксама пераабраны старшынёй савета кіраўнік Федэральнай мытнай службы Расіі Валерый Пікалёў.
Удзельнікі прыйшлі да кансенсусу па палажэннях праекта Мемарандума аб узаемаразуменні паміж мытнымі службамі дзяржаў СНД аб спрашчэнні транзітных перавозак. Дакументам вызначаны меры па паскарэнні транзіту скорапсавальных тавараў і ў цэлым спрашчэнні транзітных перавозак, а таксама ўзаемным інфармаванні аб праектах у пунктах пропуску, накіраваных на павелічэнне прапускной здольнасці.
Беларускім бокам вынесена пытанне аб неабходнасці абмену вопытам ідэнтыфікацыі электрамабіляў на прадмет тыпу гібрыднай сілавой устаноўкі.
У рамках пасяджэння дадзена ацэнка практычнай рэалізацыі рашэнняў, прынятых на папярэднім пасяджэнні Савета.
На палях мерапрыемства Старшыня ДМК Уладзімір Арлоўскі і кіраўнік Федэральнай мытнай службы Расіі Валерый Пікалёў падпісалі дакументы, якія датычацца зацвярджэння агульнасаюзных профіляў рызык і інфармацыйнага ўзаемадзеяння мытных службаў Беларусі і Расіі з Міждзяржаўным цэнтрам Саюзнай дзяржавы.
На двухбаковай сустрэчы з кіраўніком мытнага камітэта пры Міністэрстве эканомікі і фінансаў Рэспублікі Узбекістан Акмалхужой Маўлонавым зацверджаны тэхнічныя ўмовы па інфармацыйным узаемадзеянні ў рамках пагаднення аб узаемным прызнанні інстытутаў Упаўнаважанага эканамічнага аператара.
