Мытныя органы Рэспублікі Беларусь
25 красавiка 2026
Пры правядзенні спецмерапрыемстваў супрацоўнікі Аператыўнай мытні выявілі факт недастаўкі 10 тыс. адзінак розных тавараў, прызначаных для фізічных асоб, у месцы правядзення кантролю.
Агульны кошт тавараў народнага спажывання, якія незаконна перамяшчаліся, склаў больш за 340 тыс. беларускіх рублёў.
Так, у Смалявіцкім раёне мытнікі спынілі рух двух транспартных сродкаў, якія прыбылі з Расіі.
Пры правядзенні праверачных мерапрыемстваў устаноўлена, што беларускі індывідуальны прадпрымальнік пры ўвозе тавараў на тэрыторыю Беларусі не выканаў абавязковую ўмову, устаноўленую ўказам кіраўніка дзяржавы Nº 297, - да перадачы тавараў фізічным асобам не даставіў іх у месцы правядзення кантролю.
Акрамя таго, у кіроўцаў адсутнічалі неабходныя таварасуправаджальныя дакументы.
У дачыненні да індывідуальнага прадпрымальніка пачаты адміністрацыйныя працэсы ў адпаведнасці з арт. 13.12 і 13.36 КаАП Рэспублікі Беларусь.
Тэгі па тэме
