16 лiстапада 2026
Пры правядзенні спецмерапрыемстваў аператыўнікі Брэсцкай мытні з пачатку лістапада выявілі ўжо 10 фактаў парушэння ўстаноўленага Пастановай Савета Міністраў №599 парадку накіравання і запраўкі замежных транспартных сродкаў.
Перавозчыкі карысталіся паслугамі грамадзян, якія арганізавалі перасоўныя аўтазаправачныя станцыі. У якасці «мабільных» АЗС выступалі транспартныя сродкі, абсталяваныя ёмістасцямі для захоўвання гаручага аб'ёмам 1000 літраў, а таксама патрабаваным абсталяваннем для перапампоўкі паліва - помпамі, шлангамі і заправачнымі пісталетамі.
Па выяўленых парушэннях у дачыненні да кіроўцаў замежных перавозчыкаў Брэсцкай мытняй пачаты адміністрацыйныя працэсы па арт. 24.3 КаАП Рэспублікі Беларусь.
Дзеянням грамадзян, аказваючым паслугі па запраўцы, таксама будзе дадзена прававая ацэнка. Інфармацыя аб выяўленых парушэннях накіравана ў кампетэнтныя органы.
У чарговы раз звяртаем увагу, што для асобных катэгорый замежных грузавых транспартных сродкаў устаноўлены спецыяльны парадак накіравання ад пункта пропуску да месцаў правядзення перагрузкі, перачэпкі і запраўкі, якая ажыццяўляецца выключна на аўтазаправачных станцыях, уключаных у зацверджаны Пастановай Савета Міністраў №599 пералік.
Тэгі па тэме