Мытныя органы Рэспублікі Беларусь
13 чэрвеня 2025
Пазбаўленне волі да 7 гадоў пагражае грамадзяніну Украіны за спробу ўвозу на тэрыторыю ЕАЭС патрона да агнястрэльнай зброі.
У пункце пропуску «Беняконі» пасажыр аўтамабіля FIAT заявіў аб адсутнасці ў яго тавараў, якія падлягаюць дэклараванню.
Але пры аглядзе сумкі з рэчамі мытнік выявіў патрон з маркіроўкай на гільзе «СВС 19». Мужчына растлумачыў, што патрон знайшоў на будоўлі ў Еўропе.
Згодна з заключэннем эксперта выяўлены патрон выраблены завадскім спосабам і з'яўляецца прамежкавым патронам (5,56Х45NATO) - боепрыпасам да ручной стралковай наразной агнястрэльнай зброі.
Па дадзеным факце Гродзенскай рэгіянальнай мытняй распачата крымінальная справа па прыкметах здзяйснення злачынства, прадугледжанага ч. 1 арт.333-1 КК Рэспублікі Беларусь.
Грамадзянін затрыманы.
