Мытныя органы Рэспублікі Беларусь
27 сакавiка 2026
Мытнікі ў пункце пропуску «Брэст» спынілі спробу ўвозу на тэрыторыю ЕАЭС больш за 6,3 кг таблетак, якія змяшчаюць асабліва небяспечны наркотык.
52-гадовы грамадзянін Украіны, які кіраваў аўтамабілем OPEL, ехаў з Польшчы ў Беларусь. Перасякаў мытную мяжу па чырвоным калідоры, таму што афармляў часовы ўвоз свайго транспартнага сродку.
Перамяшчаныя ім сярод асабістых рэчаў тры банкі з БАДамі для спартсменаў, пра што паказвалі этыкеткі на іх, здалося інспектару мытні падазронымі. Кіроўца аўтамабіля растлумачыў, што перамяшчаў гэты тавар па просьбе трэціх асоб.
Згодна з заключэннем экспертызы ўпраўлення Дзяржаўнага камітэта судовых экспертыз па Брэсцкай вобласці, канфіскаваныя таблеткі ўтрымліваюць у сваім складзе асабліва небяспечны наркатычны сродак-кадэін.
У выніку праведзеных аператыўна-вышуковых мерапрыемстваў сумесна з калегамі з Федэральнай мытнай службы Расіі ўстаноўлены заказчыкі і атрымальнікі забароненага грузу. Імі апынуліся расійскія грамадзяне, якія пражываюць у Сімферопалі. Злачынцы затрыманыя.
Брэсцкай мытняй распачата крымінальная справа па ч. 2 арт. 328-1 Крымінальнага кодэкса Рэспублікі Беларусь. Санкцыя артыкула прадугледжвае пакаранне аж да пазбаўлення волі на тэрмін да 10 гадоў.
Тэгі па тэме
#Брестская таможня #Незаконное перемещение #Наркотические средства #Уголовное дело
