Мытныя органы Рэспублікі Беларусь
27 чэрвеня 2025
Сёння на пляцоўцы Сусветнай мытнай арганізацыі Старшыня Дзяржаўнага мытнага камітэта Уладзімір Арлоўскі і Генеральны кантралёр мытнай службы Федэратыўнай Рэспублікі Нігерыя Адэвале Башыр падпісалі Мемарандум аб узаемаразуменні паміж Урадам Рэспублікі Беларусь і Урадам Федэратыўнай Рэспублікі Нігерыя аб супрацоўніцтве і ўзаемнай дапамозе ў мытных справах.
Адпраўным пунктам супрацоўніцтва мытных службаў паслужыла сустрэча ў мінулым годзе ў Мінску, калі была падпісана сумесная дэкларацыя аб намеры супрацоўнічаць, а экспертамі пачалася актыўная работа па распрацоўцы і ўзгадненні праекта Мемарандума.
Цяпер бакі будуць аказваць узаемную дапамогу ў забеспячэнні належнага прымянення палажэнняў мытнага заканадаўства, прадухіленні, расследаванні мытных правапарушэнняў і барацьбе з імі, а таксама аператыўна абменьвацца неабходнымі для гэтага звесткамі.
Кіраўнікі выказалі ўпэўненасць, што наладжанае ўзаемадзеянне дзвюх краін станоўча адаб'ецца на развіцці гандлёва-эканамічнага супрацоўніцтва Беларусі і Нігерыі.
145/146 сесіі Сусветнай мытнай арганізацыі, удзельнікам якіх штогод З'яўляецца Старшыня Дзяржаўнага мытнага камітэта Беларусі, праходзяць у гэтыя дні ў Бруселі.
На пасяджэннях разглядаюцца рашэнні і рэкамендацыі па мытных пытаннях, заслухоўваюцца справаздачы Генеральнага сакратара і кіраўнікоў асноўных рабочых груп Сусветнай мытнай арганізацыі, абмяркоўваюцца ключавыя пытанні па напрамках дзейнасці арганізацыі.
Тэгі па тэме
