Мытныя органы Рэспублікі Беларусь
02 жніўня 2025
47-гадовы грамадзянін ехаў з Літвы праз пункт пропуску «Каменны Лог» на грузавым аўтамабілі VOLVO. Паведаміў гродзенскім мытнікам, што тавараў, якія падлягаюць дэклараванню, не перамяшчае.
Аднак, пры правядзенні мытнага надгляду, у кабіне транспартнага сродку былі выяўленыя аўтазапчасткі. У паражнінах пад двума сядзеннямі мужчына схаваў 340 радыяльных падшыпнікаў і 6 клапанаў кіравання для грузавога аўтамабіля.
Агульны кошт тавару склаў больш за 13 тыс.рублёў.
У дачыненні да грамадзяніна Узбекістана складзены пратакол аб адміністрацыйным правапарушэнні ў адпаведнасці з ч. 2 арт.15.1 КаАП Рэспублікі Беларусь. Санкцыяй артыкула прадугледжаны штраф у памеры да 30 базавых велічынь з магчымай канфіскацыяй утоеных тавараў.
