Мытныя органы Рэспублікі Беларусь
30 чэрвеня 2025
З-за таго, што кіроўца-міжнароднік схаваў тавар у тайніку, абсталяваным у тэхналагічнай нішы цягача, польская фірма-перавозчык можа пазбавіцца транспартнага сродку.
Для афармлення грузавы аўтамабіль DAF, які перавозіў медыцынскія прэпараты, прыбыў з Польшчы ў пункт пропуску «Казловічы».
Па выніках агляду транспартнага сродку брэсцкія мытнікі прынялі рашэнне дэмантаваць пластыкавую крышку ў тэхналагічнай поласці над пасажырскім сядзеннем цягача. З тайніка вынялі блок кіравання рухавіка б/у.
Канфіскаваныя схаваны тавар і седлавы цягач 2022 г. в. агульным коштам 348 тыс. рублёў.
Брэсцкай мытняй пачаты адміністрацыйны працэс у адпаведнасці з ч. 2 артыкула 15.1 КаАП Рэспублікі Беларусь (перамяшчэнне тавару з утойваннем ад мытнага кантролю з выкарыстаннем тайніка).
Санкцыяй артыкула прадугледжана накладанне штрафу да 30 базавых велічынь з магчымай канфіскацыяй утоеных тавараў і транспартнага сродку, выкарыстанага для перамяшчэння ўтоеных тавараў.
Тэгі па тэме
