Мытныя органы Рэспублікі Беларусь
21 красавiка 2025
Два факты перамяшчэння польскімі перавозчыкамі праз мытную мяжу тавараў без дэкларавання ўсталявалі брэсцкія мытнікі.
У першым выпадку мытнікі з пункта пропуску «Казловічы» высветлілі яшчэ на вагагабарытным кантролі, што ў грузавіку RENAUL, які ехаў з Францыі, перамяшчаюцца незаяўленыя тавары.
Пры даглядзе выяўлена, што ў транспартным сродку знаходзіцца 108 няўлічаных мяшкоў насення кукурузы. Кошт тавару склаў больш за 40 тыс. рублёў, а мытныя плацяжы, якія падлягаюць выплаце, - звыш 10 тыс.рублёў.
Аналагічны выпадак зафіксаваны ў ведамасным пункце мытнага афармлення " Брэст-ТЛЦ», куды грузавік DAF быў накіраваны з мяжы для правядзення дадатковых мытных аперацый.
Акрамя названай у дакументах партыі эмульгатараў і алеяў, у грузавым адсеку знаходзілася каля 600 кг стужкі з поліпрапілена коштам больш за 100 тыс.рублёў.
У дадзеным выпадку парушэнне заканадаўства магло пацягнуць за сабой нявыплату мытных плацяжоў у памеры каля 28 тыс. рублёў.
У дачыненні да перавозчыкаў Брэсцкай мытняй пачаты адміністрацыйныя працэсы ў адпаведнасці з ч. 1 арт.15.5 КаАП Рэспублікі Беларусь. Санкцыяй артыкула прадугледжаны штраф у памеры да 30% ад кошту прадмета адміністрацыйнага правапарушэнняТэгі па тэме
