Мытныя органы Рэспублікі Беларусь
11 чэрвеня 2026
Дэлегацыя беларускай мытні на чале са Старшынёй ДМК Уладзімірам Арлоўскім прыняла ўдзел у 54-ым пасяджэнні Аб'яднанай Калегіі мытных службаў краін ЕАЭС і 82-ым пасяджэнні Савета кіраўнікоў мытных службаў дзяржаў СНД, якія адбыліся сёння ў Казахстане.
Мытныя службы краін ЕАЭС узгаднілі на пасяджэнні калегіі пазіцыі па 27 пытаннях узаемадзеяння, дзевяць з якіх ініцыяваў беларускі бок.
Прадстаўнікі ДМК выступілі з прапановамі ў частцы рэалізацыі Тэхнічных умоў інфармацыйнага ўзаемадзеяння ў рамках кантролю агульных мытных працэсаў, прымянення тэхналогій штучнага інтэлекту пры аналізе звестак і дакументаў, ажыццяўлення кантролю за часова ўвезенымі транспартнымі сродкамі для асабістага карыстання, арганізацыі кантрэйлерных перавозак.
На другім мерапрыемстве з удзелам дэлегацый мытных службаў дзяржаў СНД разгледжана 19 пытанняў. Таксама мытнымі службамі падпісаны Мемарандум аб узаемаразуменні аб спрашчэнні транзітных перавозак.
Беларускія мытнікі падзяліліся вопытам выкарыстання інфармацыйных тэхналогій і праграмных сродкаў, перспектывамі па ўкараненні лічбавых інавацый у мэтах удасканалення мытнага адміністравання, таксама распавялі аб практычных аспектах выкарыстання тэхнічных сродкаў мытнага кантролю, у прыватнасці, інспекцыйна-надглядных комплексаў.
Таксама ў рамках міжнароднай рабочай паездкі кіраўнік беларускай мытні абмеркаваў на двухбаковай сустрэчы з кіраўніком ФМС Расіі Валерыем Пікалевым актуальныя пытанні супрацоўніцтва, у тым ліку ў частцы ўзаемнага абмену ў рэжыме рэальнага часу неабходнай інфармацыяй па мытным дэклараванні.
Прымаючым бокам чарговых пасяджэнняў Аб'яднанай Калегіі мытных службаў краін ЕАЭС і Савета кіраўнікоў мытных службаў дзяржаў СНД вызначана Рэспубліка Беларусь.
Тэгі па тэме
