Мытныя органы Рэспублікі Беларусь
03 кастрычнiка 2025
Сужэнская пара індывідуальных прадпрымальнікаў з Гомеля спрабавала незаконна завезці ў краіну буйную партыю замежных тавараў. Гэта ўжо трэці такі факт, устаноўлены гомельскімі мытнікамі на працягу месяца.
Рух аўтамабіля MERCEDES-BENZ спынены пры правядзенні спецмерапрыемстваў на ўчастку дарогі М-10 у Добрушскім раёне.
У прычэпе знаходзілася 6 тысяч адзінак адзення, абутку, сумак, тавараў народнага спажывання, якія перамяшчаліся без неабходных дакументаў. Адпаведна, на тэрыторыю ЕАЭС яны былі ўвезены без выплаты мытных плацяжоў.
Агульны кошт грузу склаў каля 120 тыс. беларускіх рублёў.
Мытнікі прынялі рашэнне аб размяшчэнні аўтамабіля ў зоне мытнага кантролю. Кіроўца адмовіўся выконваць законнае патрабаванне, а ягоная жонка, якая выступала перавозчыкам, паспрабавала ўрэгуляваць пытанне несапраўднымі дакументамі.
Гомельскай мытняй у адносінах да вадзіцеля за непадпарадкаванне патрабаванню службовай асобы распачаты адміністрацыйны працэс у адпаведнасці з арт. 24.3 КаАП Рэспублікі Беларусь.
Перавозчыку, ягонай жонцы, пагражае штраф да 50% ад кошту прадмета адміністрацыйнага правапарушэння ў адпаведнасці з арт. 13.12 КаАП Рэспублікі Беларусь.
