Мытныя органы Рэспублікі Беларусь
11 чэрвеня 2026
Браняванае шкло коштам 64 тыс. рублёў схаваў ад мытнага кантролю кіроўца грузавога транспартнага сродку, які ўвозіў на тэрыторыю ЕАЭС легкавыя аўтамабілі.
Перасякаў ён мытную мяжу праз пункт пропуску "Каменны Лог", дзе пры вусным апытанні растлумачыў, што акрамя заяўленых аўто нічога не перамяшчае.
Аглядаючы законна ўвазімыя транспартныя сродкі, гродзенскія мытнікі ў адным з іх і выявілі шкло для аўтамабіля Mercedes-Benz, якое належыць кіроўцу.
Не заявіўшы аб перамяшчаемым тавары, грамадзянін Беларусі меў намер пазбегнуць выплаты мытных плацяжоў у памеры больш за 20 тыс.рублёў.
35-гадовы мужчына прыцягнуты да адміністрацыйнай адказнасці ў адпаведнасці з ч. 4 арт. 15.5 КаАП Рэспублікі Беларусь. Ён заплаціў штраф у памеры 6,3 тыс. рублёў.
Тэгі па тэме
