Мытныя органы Рэспублікі Беларусь
11 лiпеня 2025
Больш за 4 тоны лакафарбавых матэрыялаў "забыўся" задэклараваць польскі перавозчык, каб не выплачваць мытныя плацяжы ў поўным аб'ёме.
Парушэнне заканадаўства ўстанавілі ў пункце пропуску «Казловічы», куды грузавы аўтамабіль DAF прыбыў з Нямеччыны. У ім на тэрыторыю ЕАЭС перамяшчалі эмалі, пальчаткі, сумкі, розныя асадкі, распыляльнікі і іншыя тавары. Брэсцкія мытнікі накіравалі транспартны сродак на правядзенне дадатковых аперацый мытнага кантролю.
У выніку надгляду выявілі больш за 800 незадэклараваных каробак з эмаллю, грунтам, антыгравіем і ацвярджальнікамі. Агульны кошт незаяўленых лакафарбавых матэрыялаў склаў каля 78 тыс. бел. рублёў.
Брэсцкай мытняй у дачыненні да польскага перавозчыка пачаты адміністрацыйны працэс у адпаведнасці з ч. 1 артыкула 15.5 КаАП Рэспублікі Беларусь. Санкцыяй артыкула прадугледжаны штраф у памеры да 30% ад кошту прадмета адміністрацыйнага правапарушэння.
Тэгі па тэме
#Брестская таможня #Незаконное перемещение #Административный процесс
