Мытныя органы Рэспублікі Беларусь
21 лiстапада 2025
Увоз з Еўрасаюза для далейшай рэалізацыі на тэрыторыі Беларусі і Расіі каля 136 кг гашышу спынілі беларускія мытнікі. Ва ўзаемадзеянні з расійскімі калегамі затрыманыя датычныя да злачыннай схемы беларусы і расіяне, якія дзейнічалі па папярэдняй змове.
320 брыкетаў са спрасаваным рэчывам спрабавалі завезці з Польшчы, схаваўшы іх у спецыяльна абсталяваных схованках у грузавіку польскага перавозчыка, які перамяшчаў алкагольную прадукцыю.
Брэсцкія мытнікі накіравалі транспартны сродак на агляд з прымяненнем інспекцыйна-надгляднага комплексу. Атрыманая сканаграма паказала наяўнасць нехарактэрнага зацямнення ў ніжняй вобласці паўпрычэпа на латвійскіх рэгістрацыйных нумарах.
Пры далейшым дэмантажы ўстаноўлены месцы ўтойвання - схованкі з наркотыкам былі абсталяваны ў падлозе інструментальных скрынь паўпрычэпа.
Рэчыва накіравана на экспертызу ў ДКСЭ па Брэсцкай вобласці, якая пацвердзіла, што гэта гашыш.
Затрымаць восем удзельнікаў злачыннай схемы ўдалося пры правядзенні разам з расійскімі мытнікамі аператыўна-вышуковых мерапрыемстваў на тэрыторыі дзвюх краін.
У дачыненні да групы асоб Брэсцкай мытняй распачатая крымінальная справа паводле ч. 2 арт.328-1 КК Рэспублікі Беларусь, а кампетэнтнымі органамі Расіі ў дачыненні да асобных удзельнікаў - крымінальныя справы паводле ч. 3 арт. 30, ч. 5 арт. 228.1, ч. 4 арт. 229.1 КК Расійскай Федэрацыі.
Цяпер злачынцы, узрост якіх - у межах 30-37 гадоў, могуць пазбавіцца волі тэрмінам аж да 20 гадоў.
Тэгі па тэме
#Незаконное перемещение #Наркотические средства #Уголовное дело #Брестская таможня
