Мытныя органы Рэспублікі Беларусь
22 красавiка 2026
Беларускі перавозчык у парушэнне заканадаўства ўвозіў з Расіі камерцыйную партыю тавараў замежнай вытворчасці агульным коштам больш за 550 тыс. рублёў.
12,5 тыс. адзінак розных тавараў народнага спажывання знаходзілася ў грузавым транспартным сродку VOLKSWAGEN, рух якога і спынілі гомельскія мытнікі пры правядзенні спецмерапрыемства на беларуска-расійскім участку мяжы.
У кіроўцы не было патрэбных заканадаўствам таварасуправаджальных дакументаў.
Па факце незаконнай транспарціроўкі грузу ў дачыненні да перавозчыка Гомельскай мытняй распачаты адміністрацыйны працэс у адпаведнасці з арт. 13.12 КаАП Рэспублікі Беларусь.
Санкцыяй артыкула прадугледжаны штраф у памеры да 50% ад кошту прадмета адміністрацыйнага правапарушэння. У дадзеным выпадку ён складзе да 280 тыс. рублёў.
Тэгі па тэме
