Мытныя органы Рэспублікі Беларусь
23 красавiка 2025
Ехаў ён разам з жонкай на рэйсавым аўтобусе праз пункт пропуску «Каменны Лог». Для праходжання мытнага кантролю грамадзяне выбралі зялёны калідор, пацвердзіўшы тым самым адсутнасць у іх тавараў, якія падлягаюць дэклараванню.
У зале мытнага афармлення службовы сабака даў зразумець Гродзенскім мытнікам, што ў мужчыны ёсць забароненыя рэчывы.
Пры аглядзе яго сумкі з рэчамі быў знойдзены скрутак, абгорнуты ў поліэтыленавую плёнку і схаваны ў шкарпэтку. Грамадзянін прызнаўся, што гэта наркотык.
Эксперт Лідскага міжрайаддзела ўпраўлення ДКСЭ па Гродзенскай вобласці пацвердзіў, што прадстаўленае рэчыва - небяспечны наркатычны сродак. Маса гашышу склала больш за 2,5 грама.
Гродзенскай рэгіянальнай мытняй распачата крымінальная справа па прыкметах здзяйснення злачынства па ч. 1 арт. 328-1 Крымінальнага кодэкса Рэспублікі Беларусь, якая прадугледжвае пакаранне аж да пазбаўлення волі тэрмінам да сямі гадоў. Грамадзянін затрыманы.
