Мытныя органы Рэспублікі Беларусь
16 чэрвеня 2025
У дзень 15-годдзя ведамаснага Інстытута мытных органаў супрацоўнікі ўстановы адукацыі заахвочаны дзяржаўнымі, ведамаснымі ўзнагародамі, падзякамі Беларускага дзяржаўнага ўніверсітэта.
Урачысты сход, прымеркаваны знакавай даце, адбыўся сёння ў Дзяржаўным мытным камітэце. У коле запрошаных гасцей - кіраўніцтва і супрацоўнікі ДМК, мытняў Мінскага рэгіёна, першы начальнік Інстытута Іван Дубік, загадчык кафедры мытнай справы і міжнароднай лагістыкі факультэта міжнародных адносін БДУ Віктар Астрога, студэнты.
Упрыгожылі мерапрыемства творчымі нумарамі актрыса тэатра і кіно, спявачка Аляксандра Гайдук, салісты заслужанага калектыву «Акадэмічны ансамбль песні і танца Узброеных Сіл Рэспублікі Беларусь» Андрэй Зінаватны і Дзмітрый Валчанкоў.
Інстытут мытных органаў ажыццяўляе павышэнне кваліфікацыі службовых асоб мытных органаў па розных напрамках дзейнасці, перападрыхтоўку па спецыяльнасцях «Мытная справа» і «закрытая спецыяльнасць», павышэнне кваліфікацыі спецыялістаў па мытным дэклараванні.
За 15 гадоў працы установай адукацыі рэалізавана і ўдасканальваецца шматпланавая, вектарная, практыка-арыентаваная мадэль навучання, якая забяспечвае падтрыманне ў актуальным стане прафесійных кампетэнцый супрацоўнікаў мытнай службы і спецыялістаў па мытным дэклараванню. З моманту стварэння ў Інстытуце навучыліся больш за 27 тысяч слухачоў.
У 2012 годзе ў склад інстытута ўвайшла мытная лабараторыя. Яе эксперты праводзяць больш за 14 відаў мытных і судовых экспертыз. За гэтыя гады выканана каля 13 тыс.экспертыз у дачыненні да каля 670 тыс. аб'ектаў.
Тэгі па тэме
