Мытныя органы Рэспублікі Беларусь
23 снежня 2025
Брэсцкія мытнікі канфіскавалі ў 35-гадовага жыхара Гродна, які накіроўваўся на рэйсавым аўтобусе з Польшчы, грыбы, якія змяшчалі ў сваім складзе асабліва небяспечны псіхатроп.
У пункце пропуску "Брэст" грамадзянін абраў для перасячэння мяжы зялёны калідор, пры вусным апытанні ўдакладніў, што забароненых або абмежаваных да перамяшчэння тавараў пры сабе не мае.
Службовы сабака сваімі паводзінамі паказаў на адваротнае. Пры далейшым надглядзе высветлілася, што пад адзеннем мужчына схаваў тканкавы мяшок з рэчывамі зялёна-карычневага колеру.
Праведзеная ўпраўленнем Дзяржаўнага камітэта судовых экспертыз па Брэсцкай вобласці экспертыза паказала, што гэта грыбы, якія змяшчаюць асабліва небяспечнае псіхатропнае рэчыва псілацыбін.
За спробу ўвозу псіхатропаў Брэсцкая мытня ўзбудзіла ў дачыненні да грамадзяніна крымінальную справу па ч.2 арт. 328-1 КК Рэспублікі Беларусь.
Мужчына затрыманы, ён можа пазбавіцца волі тэрмінам да 10 гадоў.
Тэгі па тэме
#Брестская таможня #Незаконное перемещение #Психотропные вещества #Уголовное дело
