Мытныя органы Рэспублікі Беларусь
05 чэрвеня 2025
105 тон яблыкаў і груш перамяшчалі ў шасці грузавіках з Беларусі ў Расію без дакументаў, абавязковых пры транспартоўцы. Факты ўстаноўлены беларускімі мытнікамі на працягу апошняга месяца пры правядзенні спецыяльных мерапрыемстваў на беларуска-расійскім участку мяжы.
Два грузавыя аўто былі спыненыя для праверкі ў Віцебскай вобласці. У іх знаходзілася каля 40 тон груш коштам больш за 350 тыс. бел. рублёў. Дакументаў на перамяшчаны груз і сертыфікатаў, якія пацвярджаюць бяспеку прадукцыі, у вадзіцеляў не аказалася.
Яшчэ чатыры грузавікі былі спыненыя мытнікамі ў Магілёўскай і Гомельскай абласцях. Кошт больш за 65 тон яблыкаў, на якія адсутнічалі дакументы, склаў больш за 340 тыс.бел. рублёў.
Мытнымі органамі ў дачыненні да перавозчыкаў і вадзіцеляў пачаты адміністрацыйныя працэсы ў адпаведнасці з арт. 13.12 КаАП Рэспублікі Беларусь.
Санкцыя артыкула ў дачыненні да фізічнай асобы прадугледжвае штраф у памеры 30 базавых велічынь, а ў дачыненні да індывідуальных прадпрымальнікаў і юрыдычных асоб – да 50% ад кошту прадмета адміністрацыйнага правапарушэння.
Тэгі па тэме
#Незаконное перемещение #Витебская таможня #Гомельская таможня #Могилевская таможня
