Мытныя органы Рэспублікі Беларусь
26 жніўня 2026
Віцебскія мытнікі спынілі спробу незаконнага ўвозу з Нідэрландаў на тэрыторыю ЕАЭС двух буйных партый маторных і трансмісійных алеяў.
Тавары перамяшчаў казахскі перавозчык у двух грузавіках праз пункт пропуску «Грыгароўшчына». У прадстаўленых для кантролю дакументах былі заяўлены недакладныя звесткі з мэтай наўмыснага заніжэння мытных плацяжоў.
Пры правядзенні праверачных мерапрыемстваў супрацоўнікі мытні ўстанавілі сапраўдныя звесткі па пастаўках. Рэальны агульны кошт партый склаў звыш 550 тыс. беларускіх рублёў, а памер недаплачаных плацяжоў - каля 76 тыс.беларускіх рублёў.
Віцебскай мытняй у дачыненні да казахскага перавозчыка пачаты адміністрацыйны працэс у адпаведнасці з ч. 3 арт.15.5 КаАП Рэспублікі Беларусь. Санкцыя артыкула прадугледжвае накладанне штрафу ў памеры да 30% ад кошту прадмета адміністрацыйнага правапарушэння.
Тэгі па тэме
