Мытныя органы Рэспублікі Беларусь
19 мая 2026
Пры правядзенні спецмерапрыемстваў магілёўскія мытнікі выявілі два факты незаконнай транспарціроўкі тавараў народнага спажывання расійскай і замежнай вытворчасці.
У першым выпадку ў грузавым адсеку транспартнага сродку Mercedes перамяшчалася амаль 2 тыс. адзінак адзення і абутку. На асартымент у вадзіцеля адсутнічалі транспартныя і грузасуправаджальныя дакументы, у тым ліку міжнародная таварна-транспартная накладная.
У другім выпадку кіроўца транспартнага сродку Volkswagen Crafter, які ўвозіў каля 3-х тысяч адзінак падобных тавараў, аналагічна не падаў мытнікам ніводнага неабходнага для законнай транспарціроўкі дакумента.
Агульны кошт дзвюх партый склаў больш за 225 тыс. беларускіх рублёў.
Магілёўскай мытняй у дачыненні да беларускіх індывідуальных прадпрымальнікаў распачаты адміністрацыйныя працэсы па арт. 13.12 КаАП Рэспублікі Беларусь, санкцыя якой прадугледжвае штраф у памеры да 50% ад кошту прадметаў адміністратыўных правапарушэнняў.
Тэгі па тэме
