Мытныя органы Рэспублікі Беларусь

1. Прыём заяўнікаў службовымі асобамі ўпраўленняў Камітэта ажыцццяўляецца штодзённа ў рабочыя дні з 09.00 да 13.00 і з 14.00 да 18.00.

2. Прыём заяўнікаў у суботу і нядзелю ажыццяўляе дзяжурны па Дзяржаўным мытныма камітэце ў адпаведнасці з графікам дзяжурстваў.

3. Папярэдні запіс на асабісты прыём ажыццяўляецца службовымі асобамі, адказнымі за арганізацыю прыёму (глядзі табліцу “Папярэдні запіс грамадзян на асабісты прыём да кіраўніцтва Дзяржаўнага мытнага камітэта”)

218-91-08

ПАРАДАК ПРЫЁМУ:

Асабісты прыём ажыццяўляецца Старшынёй Дзяржаўнага мытнага камітэта, намеснікамі Старшыні, начальнікамі мытняў і іх намеснікамі, іншымі ўпаўнаважанымі службовымі асобамі мытных органаў. Пры ажыццяўленні асабістага прыёму для забеспячэння кваліфікавага разгляду па сутнасці вусных зваротаў могуць запрашацца службовыя асобы структурных падраздзяленняў мытных органаў у адпаведнасці з іх кампетэнцыяй. Асабісты прыём ажыццяўляецца службовымі асобамі мытных органаў на іх рабочых месцах.

Па рашэнню кіраўніцтва Дзяржаўнага мытнага камітэта, начальнікаў мытняў у выпадку неабходнасці можа быць арганізаваны выяздны асабісты прыём, а таксама папярэдні запіс на такі прыём.

Старшыня Дзяржаўнага мытнага камітэта , начальнікі мытняў зацвярджаюць графікі асабістага прыёму, у якіх указваюць прозвішчы, імёны і імёны па бацьку службовых асоб мытных органаў, дні, гадзіны і месца асабістага прыёму. Асабісты прыём праводзіцца ў парадку чарговасці

Героі Беларусі, Героі Савецкага Саюза, Героі Сацыялістычнай Працы, асобы, узнагароджаныя ордэнамі Славы і Працоўнай Славы трох ступеняў, дэпутаты Палаты прадстаўнікоў і члены Савета Рэспублікі Нацыянальнага сходу Рэспублікі Беларусь, а таксама дэпутаты мясцовых Саветаў дэпутатаў, інваліды Вялікай Айчыннай вайны і інваліды працы Iі IIгрупы, цяжарныя жанчыны і наведвальнікі з малалетнімі дзецьмі прымаюцца ў першую чаргу.

Пытанні, з якімі звяртаюцца заяўнікі, па магчымасці, вырашаюцца ў час асабістага прыёму. У выпадках, калі вусны зварот не можа быць вырашаны непасрэдна ў час асабістага прыёму, ён выкладаецца ў пісьмовай форме. Далейшы ўлік, рэгістрацыя і разгляд вядуцца ў парадку, вызначаным для пісьмовых зваротаў.

Улік прынятых на асабістым прыёме зваротаў і вынікаў іх разгляду ажыццяўляецца ў журнале ўліку наведвальнікаў. Адказным за вядзенне журнала ўліку наведвальнікаў з’яўляецца службовая асоба, якая праводзіць асабісты прыём.

Асабісты прыём кіраўніцтва мытнага органа арганізуюць:

• у Дзяржаўным мытным камітэце – службовыя асобы арганізацыйна-інспектарскага аддзела арганізацыйна-аналітычнага упраўлення;
• у мытнях – службовыя асобы, адказныя за асабісты прыём.

Службовыя асобы, адказныя за арганізацыю ў мытных органах асабістага прыёму, арганізуюць папярэдні запіс на асабісты прыём.

Службовая асоба, адказная за асабісты прыём, высвятляе прозвішча, уласнае імя, імя па бацьку (пры наяўнасці), месца жыхарства, месца працы заяўніка і прапануе выкласці сутнасць звароту.

Калі зварот з’яўляецца паўторным, то перад пачаткам асбістага прыёму вывучаюцца існуючыя матэрыялы. Інфармацыя аб заяўніку, сутнасці звароту і вынікі яго разгляду ўносіцца ў журнал уліку наведвальнікаў.

Службовая асоба, якая ажыццяўляе асабісты прыём, у межах сваёй кампетэнцыі мае права прыняць адно з наступных рашэнняў:

• задаволіць зварот, паведаміўшы заяўніку ад парадку і тэрміне выканання прынятага рашэння;
• адмовіць у задавольванні звароту, растлумачыўшы матывы адмовы і парадак абскарджвання прынятага рашэння;
• прыняць пісьмовы зварот, калі пастаўленыя заяўнікам пытанні патрабуюць дадатковага вывучэння ці праверкі
• растлумачыўшы яму прычыны, па якіх зварот не можа быць вырашаны па сутнасці на асабістым прыёме, парадак і тэрмін яго разгляду.

Калі вырашэнне пытання, з якім звярнуўся заяўнік, не ўваходзіць у кампетэнцыю мытнага органа, тады службовая асоба, якая ажыццяўляе асабісты прыём, растлумачвае яму, у якую арганізацыю патрэбна звярнуцца і, па магчымасці, садзейнічае ў гэтым.